Aloha kākou, ʻo wau ʻo Henani Enos, no Keaʻau, no ka mokupuni o Hawaiʻi. Aia mākou ma Hikianalia i kēia manawa. He kumu ʻepekema au ma ke kula ʻo Nawahīokalaniʻōpuʻu, ma Keaʻau.
Ke hana nei māua i kekahi hoʻokolohua ʻepekema. Ua kauō aku i ka ʻupena, a e ʻohi ana i ka ʻōulaula. ʻO ia kēlā mea liʻiliʻi loa e lana ana ma luna o ke kai. He ʻelua ʻano ʻōulaula, he mea kanu kekahi, a he iʻa kekahi.
No laila, ke nānā nei māua i kēia manawa. Ua ʻohi ʻia ka ʻōulaula, a laila i kēia manawa, ke nānā nei māua i loko o ka ʻohe nānā, ka ʻohe hoʻonui ʻike. Makemake ana māua e ʻike he aha ke ʻano; inā he mea kanu a i ʻole inā he iʻa.
Ka nui o ka ʻokikene e komo ai, e hanu ai kākou, mai ke kai mai. Mai kēia mau mea kanu, ʻo ka ʻōulaula. A no laila, ke nānā nei no ka hōʻoia he aha ke ʻano. E māka ana mākou, a hiki ke makaʻala ma kēlā me kēia hana ʻana.
Aloha, my name is Henani Enos, from Keaʻau, Hawaiʻi Island. We are on Hikianalia right now. I am a science teacher at Nawahīokalaniʻōpuʻu, in Keaʻau.
The two of us are conducting a scientific experiment. We are doing plankton tows to identify different planktons. There are two types of plankton that we are looking at, one is a plant, and one is an animal.
We are now looking at the planktons. We gathered them and are identifying them with our microscope. We want to log whether they are plant or animal plankton.
A lot of the oxygen we use to breathe is generated from planktons. So we want to see what kind of planktons exist. We will keep observing and mark our coordinates and finding appropriately.
No nā kūmole a ʻikepili no ka Huakaʻi Holo Puni Honua, ʻo Mālama Honua, ma ka ʻōlelo Hawaiʻi!